Bawa' De' Manai Kuai

aki' ji ca de'manai tega poyan tega layan tega mengut..
menjam belian, menjam neypet, menjam kancet, menjam pe ti keringut..
pali neken, muat nyatung, mesai petegasang le ji metik lalut..
luai mesi, luai nejalak, luai nak pokat, luai pe tai ngeleput..

sanget petobo pui, petobo sadin, petobo senganak, petobo pe lepuk..
ntu' mempam, maga pekeh jengak, ti lenyak ji tai alak su-uk buluk..
kecet kala, tega kelopa, nyebali takang laket bella pe ji banuk..
masat mentem, poto nejulung kelonan makang dalau kelempun ayau kaduk..

lidik ba'e oyan oma, oyan lepau me de' toa dalau katan tau pa-ang..
menjam neney, menjam nyayat, menjam ngalung, menjam pe ti kepang..
tegu' satung, tegu' keroya, tegu' tekenak dalau asat ketai mabang nuang..
tega derek, tega gerak, tega isu, tega selama ji nyela-o pui sada atang..

lan ji banuk toyang..
adi em pat kriit leto di cak toran..
ngebua de'manai oo, alak leto de' nta badeng..
ja em pat tisen, ngan nesen dalem kimet, iling abat ti pah okan..

"haha haha.." dau mi' gerak ikem keja oo..
"noiii" dau em telu ngawak ami' poo..
"oman ja toh.." dau mi' mepa la'a..
"ja tuwak laa.." dau kelepa ja oja..